ខេត្តតាកែវ ៖ ទីតាំងល្បែងជល់មាន់អនឡាញនិងអាប៉ោង លេងភ្នាល់ចាញ់ឈ្នះខ្ទង់ចាប់ពីរាប់ពាន់ដល់ម៉ឺនដុល្លារ នៅភូមិត្រពាំងលើក ឃុំ​ក​ណ្តឹ​ង ស្រុកបាទី ខេត្តតាកែវដ៏ធំមួយកន្លែង គ្មានសមត្តកិច្ចបង្ក្រាបឡើយ។

ជាក់​ស្ដែង ទីតាំងល្បែងជល់​មា​​​​ន់អនឡាញនិងអាប៉ោងដ៏ធំមួយកន្លែងនេះ បានធ្វើការបើកលេងជាយូរណាស់ មកហើ​យ តែ​​គ្មានអាជ្ញាធរ និង សមត្ថ​កិ​​​ច្ចនៅក្នុងមូលដ្ឋានណា ចុះធ្វើការបង្ក្រាបឡើយ បណ្ដោយឲ្យក្រុមអ្នកញៀនល្បែងរាប់រយ​អ្ន​កទាំងនោះ បើកលេងយ៉ាងអ​នា​ធិបតេយ្យ មានមនុស្សចូលទៅលេងជាច្រើនរាប់រយនាក់ លាន់ឮសម្លេងកងរំពងហ៊ោកញ្ជ្រៀវ ផ្អើលអស់អ្នកភូមិអ្នកស្រុ​ក​នៅទីនោះ ដោយមិនគិតពី ភាពអសន្តិសុខ និង សុវត្ថិភាពនៅក្នុងភូមិឃុំឡើយ។

 ប្រជាពលរដ្ឋជាច្រើននៅទីនោះ សូមធ្វើ​កា​រអំពាវនាវទៅដល់ ឯកឧត្ដម អភិបាលអភិបាលខេត្ត និងឯកឧត្ដមស្នងការខេត្តតាកែវ  សូមឯកឧត្ដមមានចំណា​ត់​ការណ៍ ចំពោះមន្ត្រីក្រោមឱវាទ ឲ្យធ្វើការចុះចាប់បង្ក្រាប ទីតាំងល្បែងជល់មា​ន់​អ​ន​ឡាញ និងអាប៉ោងដ៏ធំមួយកន្លែងនេះផងទាន ដើម្បីជៀសវាងនូវករណីអំពើចោរកម្ម និង ភាពអសន្តិសុខនៅក្នុងភូ​មិ​ឃុំ​ ​៕