(ខេត្តឧត្ដរមានជ័យ) ៖ ប្រជាពលរដ្ឋជាច្រើននាក់ក្នុងខេត្តឧត្តមានជ័យ កំពុងផ្ទុះការតវ៉ាយ៉ាងខ្លាំង ក្រោយលោក វេង សាខុន រដ្ឋមន្ត្រីក្រសួងកសិកម្ម រុក្ខាប្រម៉ាញ់ និងនេសាទ បានបើកដៃរឲ្យក្រុមហ៊ុន លឹម ស៊ីវម៉ី ក្ដោបក្ដាប់សេដ្ឋកិច្ចទីផ្សារក្នុងការនាំចូលសត្វជ្រូកចូលក្នុងប្រទេសកម្ពុជា ហើយបិទក្រុមហ៊ុនដ៏ទៃទៀត មិនឲ្យបន្តអាជ្ញាប័ណ្ណក្នុងការដឹកជញ្ជូនសត្វជ្រូកមកផ្គត់ផ្គង់ក្នុងប្រទេសកម្ពុជា។តាមប្រភពពីប្រជាពលរដ្ឋ បានលើកឡើងថា ប្រសិនបើលោក វេង សាខុន រដ្ឋមន្ត្រីក្រសួងកសិកម្ម រុក្ខាប្រម៉ាញ់ និងនេសាទផ្ដល់អាជ្ញាប័ណ្ណឬលិខិតអនុញ្ញាត អោយក្រុមហ៊ុន លឹម ស៊ីវម៉ី ក្ដោបសេដ្ឋកិច្ចទីផ្សារក្នុងការដឹកជញ្ជូនសត្វជ្រូករស់មកផ្គត់ផ្គង់ក្នុងប្រទេសកម្ពុជាផ្ដាច់មុខ ឯក្រុមហ៊ុនផ្សេងទៀត អត់មានបន្តអាជ្ញាប័ណ្ណ ឬលិខិតអាជីវកម្មនោះទេ។ ប្រជាពលរដ្ឋក្នុងខេត្តឧត្ដរមានជ័យជាច្រើននាក់នឹងប្រឈមអត់ការងារធ្វើ ហើយចំណាក់ស្រុកកាន់តែច្រើន ព្រោះសព្វថ្ងៃក្រុមហ៊ុន លឹម ស៊ីវម៉ី គឺប្រើប្រាស់សុទ្ធតែបច្ចេកវិជ្ជា សំភារៈទំនើបក្នុងការលើកដាក់សត្វជ្រូកឡើងរថយន្ត មិនប្រើកម្លាំងកម្មករច្រើននោះទេ។ នេះជាមូលហេតុ ដែលធ្វើឲ្យកម្មករលីសែង ដែលប្រើប្រាស់ដោយកម្លាំងត្រូវចាក់ចេញឃ្លាតឆ្ងាយពីប្រពន្ធកូនស្រុកកំណើតនិងស្វែងរកការងារធ្វើនៅឯប្រទេសជិតខាង។ពលរដ្ឋរស់នៅខេត្តឧត្ដរមានជ័យសុំសូមណូមពរដល់លោក ប៉ែន កុសល្យ អភិបាលខេត្តឧត្តមានជ័យ និងលោក វេង សាខុន រដ្ឋមន្ត្រីក្រសួងកសិកម្ម រក្ខាប្រម៉ាញ់ និងនេសាទ មេត្តាយោគយល់ និងបន្តអោយក្រុមហ៊ុនផ្សេងទៀត អាចដំណើរដូចដើមផងទាន បើពុំដូច្នោះទេ ពួកគាត់នឹងប្រឈមអត់ការងារធ្វើ ព្រោះសព្វថ្ងៃពិបាករកការងារធ្វើណាស់ តាំងពីផ្ទុះជំងឺ (កូវីដ១៩)៕
ព័ត៌មានគួរចាប់អារម្មណ៍
ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ខ្មែរថ្ងៃនេះ)
កាំកុងត្រូលខេត្តកណ្ដាល ចុះត្រួតពិនិត្យទំនិញហួសកាលបរិច្ឆេទ និងខូចគុណភាព ដាក់លក់នៅផ្សាររកាកោង (ខ្មែរថ្ងៃនេះ)
រដ្ឋបាលខេត្តស្ទឹងត្រែង បើកវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត សម្រាប់អាណត្តិទី៣ ឆ្នាំ២០១៩ នៅក្នុងស្រុកសៀមប៉ាង (ខ្មែរថ្ងៃនេះ)
ចាប់ឃាត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ខ្មែរថ្ងៃនេះ)
ឃាត់ខ្លួនប៉ូលីសក្លែងក្លាយ ពាក់ឯកសណ្ឋានស័ក្តិ៣ ធ្វើសកម្មភាពឆែកឆេរសម្ភារៈ និងគំរាមពិនិត្យទឹកនោមរកសារធាតុញៀន ទៅលើយុវជនម្នាក់ នៅភ្នំពេញ (ខ្មែរថ្ងៃនេះ)
វីដែអូ