កណ្តាល, ថ្ងៃទី ០៦ ខែ កុម្ភៈ ឆ្នាំ២០២១ (ម៉ោង 2:30)ដោយ៖ ថៃ ប៊ុនរិទ្ធសេចក្តីរាយការណ៍ស្និទ្ធនឹងលោក ហេង សំបូរ ប្រធានសាខាគយខេត្តស្វាយរៀង បានឲ្យដឹងថា ចាប់តាំងពីទទួលបានតែងជាមេគយខេត្តស្វាយរៀង កាល់ពីថ្ងៃទី០៦ ខែកុម្ភៈ ឆ្នាំ២០២១ រហូតមកដល់ពេលនេះគឺលោក ហេង សំបូរ បណ្តោយឲ្យលោក ឃុត សាលីន មេគយច្រកបុសមន និងមេៗគយតាមច្រកដទៃទៀតធ្វើអ្វីៗតាមអំពើចិត្ត។ សេចក្តីរាយការណ៍បានឲ្យដឹងទៀតថា លោក ហេង សំបូរ បានយកជំនាញពុករលួយកាលនៅធ្វើជាមេគយខេត្តកំពត មកអនុវត្តន៍នៅក្នុងខេត្តស្វាយរៀង យ៉ាងរលូនព្រោះអាងមានលោក គុណ ញឹម អគ្គនាយកគយ ជាបង្អែកដ៏ក្រាស់ឃ្មឹក។ ហេតុនេះលោក អូន ព័ន្ធមុនីរ័ត្ន ដែលជារដ្ឋមន្ត្រីសេដ្ឋកិច្ចនិងហិរញ្ញវត្ថុ គួរពិនិត្យឡើងវិញខ្លះផង ព្រោះលោក ហេង សំបូរ ប្រធានសាខាគយខេត្តស្វាយរៀង កំពុងសាងភាពល្បីល្បាញខាងពុករលួយយ៉ាងពេញបន្ទុក។បើតាមសេចក្តីរាយការណ៍បង្ហើបពីមន្ត្រីគយក្នុងខេត្តស្វាយរៀង មួយចំនួនបានឲ្យដឹងថា បច្ចុប្បន្នលោក ឃុតសាលីន ប្រធានការិយាល័យគយច្រកបុសមន នៅតែប្រព្រឹត្តអំពើពុករលួយបើកដៃឲ្យឈ្មួញធំៗនាំចូលទំនិញគេចពន្ធ ទំនិញបង់បន្ធមិនគ្រប់និងទំនិញខុសច្បាប់យ៉ាងគឃ្លើនដើម្បីជាថ្នូរនឹងផលប្រយោជន៍។ ចំណែកប្រជាពលរដ្ឋនិងក្រុមអាជីវករដែលនាំចូលទំនិញតាមច្រកបុសមន ត្រូវបានលោក ឃុត សាលីន និងបក្ខពួកគាបយកលុយលើតុក្រោមតុស្រេចតែអំពើចិត្ត ហើយគ្មានចេញបង្កាន់ដៃឬវិក្កបត្របង់លុយនោះទេ។ ប្រភពស្និទ្ធនឹងលោក ឃុត សាលីន មេគយច្រកបុសមន បានឲ្យដឹងថា បច្ចុប្បន្នលោក ហេង សំបូរ ប្រធានសាខាគយខេត្តស្វាយរៀង កំពុងក្លាយទៅជាបង្អែករឹងមាំរបស់លោក ឃុត សាលីន រួចបណ្តោយឲ្យលោក ឃុត សាលីន ប្រព្រឹត្តអំពើពុករលួយយ៉ាងសុខស្រួលដដែល។សេចក្តីរាយការណ៍ស្និទ្ធនឹងលោក ហេង សំបូរ ប្រធានសាខាគយខេត្តស្វាយរៀង បានឲ្យដឹងថា ចាប់តាំងពីលោក ហេង សំបូរ ទទួលបានតំណែងជាប្រធានសាខាគយខេត្តស្វាយរៀង ជំនួសលោក ខៀវ សារឿន ដែលទៅធ្វើជាមេគយខេត្តកំពង់ធំ គឺលោក ហេង សំបូរ ប្រព្រឹត្តអំពើពុករលួយខ្លាំងជាងលោក ខៀវ សារឿន ទៅទៀត។ ប្រភពបានឲ្យដឹងទៀតថា លោក ហេង សំបូរ ប្រធានសាខាគយខេត្តស្វាយរៀង បើកដៃឲ្យលោក ឃុត សាលីន មេគយច្រកបុសមន ក៏ដូចជាលោក ចាន់ តារា មេគយច្រកទ្វារអន្តរជាតិព្រៃវល្លិ៍ និងមេៗគយតាមច្រកព្រំដែនជាច្រើនកន្លែងទៀតធ្វើអ្វីៗតាមអំពើចិត្ត។ ហេតុនេះលោក អូន ព័ន្ធមុនីរ័ត្ន ដែលជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ មិនគួរមើលរំលងអំពើពុករលួយរបស់លោក ហេង សំបូរ ប្រធានសាខាគយខេត្តស្វាយរៀង នោះឡើយហើយលោក ឱម យ៉ិនទៀង ប្រធានអង្គភាពប្រឆាំងអំពើពុករលួយ គួរបើកការស៊ើបអង្កេតទៅលើរឿងអាស្រូវពុករលួយរបស់លោក ហេង សំបូរ ផងដែរ៕
ព័ត៌មានគួរចាប់អារម្មណ៍
ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ខ្មែរថ្ងៃនេះ)
កាំកុងត្រូលខេត្តកណ្ដាល ចុះត្រួតពិនិត្យទំនិញហួសកាលបរិច្ឆេទ និងខូចគុណភាព ដាក់លក់នៅផ្សាររកាកោង (ខ្មែរថ្ងៃនេះ)
រដ្ឋបាលខេត្តស្ទឹងត្រែង បើកវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត សម្រាប់អាណត្តិទី៣ ឆ្នាំ២០១៩ នៅក្នុងស្រុកសៀមប៉ាង (ខ្មែរថ្ងៃនេះ)
ចាប់ឃាត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ខ្មែរថ្ងៃនេះ)
ឃាត់ខ្លួនប៉ូលីសក្លែងក្លាយ ពាក់ឯកសណ្ឋានស័ក្តិ៣ ធ្វើសកម្មភាពឆែកឆេរសម្ភារៈ និងគំរាមពិនិត្យទឹកនោមរកសារធាតុញៀន ទៅលើយុវជនម្នាក់ នៅភ្នំពេញ (ខ្មែរថ្ងៃនេះ)
វីដែអូ