រាជធានីភ្នំពេញ ៖ អគ្គស្នងនគរបាលជាតិ បានពន្យាពេលពិន័យលើស សុពលភាពឆៀករថយន្ដមួយរយៈសិន ដើម្បីបង្កភាពងាយស្រួលដល់ប្រជាពលរដ្ឋយករថយន្ដមកធ្វើឆៀក ដែលមានការកកស្ទះធ្វើមិនទាន់ បន្ទាប់ពីមានការរឹតបណ្ដឹងច្បាប់ចរាចរណ៍ផ្លួវគោក ហើយត្រូវបានម្ចាស់យានយន្តសម្រុកធ្វើឆៀកយ៉ាងច្រើនកុះករ។ឯកឧត្តម នាយឧត្តមសេនីយ៍ ហ៊ឹម យ៉ាន អគ្គស្នងការរងនគរបាលជាតិ មានប្រសាសន៍ថា ការពន្យាពេលពិន័យលើស សុពលភាពឆៀករថយន្ដនេះ ដោយសារមានរថយន្តជាច្រើន កំពុងទៅឆៀក តែមិនទាន់ឆៀកបាន ដែលធ្វើឱ្យកន្លែងឆៀករថយន្ដនៅគ្រប់រាជធានី-ខេត្តទាំងអស់ មានភាពចង្អៀនណែន ដែលធ្វើឱ្យប្រជាពលរដ្ឋពិបាកក្នុងការទទួលសេវានេះ។ដោយមើលឃើញបញ្ហានេះ ឯកឧត្តមនាយឧត្តមសេនីយ៍ បានណែនាំដល់ស្នងការដ្ឋាននគរបាលរាជធានី-ខេត្តទាំងអស់ កុំទាន់ពិន័យករណីលើស សុពលភាពឆៀកសិន។ឯកឧត្តមនាយឧត្តមសេនីយ៍បានបញ្ជាក់ថា ការពិន័យលើស សុពលភាពឆៀករថយន្ដនេះ ដោយរង់ចាំបញ្ជាជាថ្មី ទើបអាចពិន័យបាន ។សូមបញ្ជាក់ថា រាជរដ្ឋាភិបាលសម្រេចដាក់វិធានការរឹតបន្តឹងច្បាប់ចរាចរណ៍ផ្លូវគោកនេះ គឺដើម្បីឆ្លើយតបនឹងភាពអាសន្ននៃគ្រោះថ្នាក់ចរាចរណ៍ ដែលមានកំណើនគ្រោះថ្នាក់ចរាចរណ៍ យ៉ាងគំហុកកាលពីឆ្នាំកន្លងទៅ បានបណ្ដាលឱ្យមានអ្នកស្លាប់ របួស ពិការ បង្កឱ្យមានកុមារកំព្រា និងការវិនាសព្រាត់ប្រាស់ក្នុងគ្រួសារ ទាំងនៅក្នុងស្ថានភាព ដែលប្រទេសជាតិ បានចាកផុតពីភ្លើងសង្គ្រាមមានសន្តិភាពនិង អភិវឌ្ឍន៍ទៅហើយនោះ ៕
ព័ត៌មានគួរចាប់អារម្មណ៍
ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ខ្មែរថ្ងៃនេះ)
កាំកុងត្រូលខេត្តកណ្ដាល ចុះត្រួតពិនិត្យទំនិញហួសកាលបរិច្ឆេទ និងខូចគុណភាព ដាក់លក់នៅផ្សាររកាកោង (ខ្មែរថ្ងៃនេះ)
រដ្ឋបាលខេត្តស្ទឹងត្រែង បើកវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត សម្រាប់អាណត្តិទី៣ ឆ្នាំ២០១៩ នៅក្នុងស្រុកសៀមប៉ាង (ខ្មែរថ្ងៃនេះ)
ចាប់ឃាត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ខ្មែរថ្ងៃនេះ)
ឃាត់ខ្លួនប៉ូលីសក្លែងក្លាយ ពាក់ឯកសណ្ឋានស័ក្តិ៣ ធ្វើសកម្មភាពឆែកឆេរសម្ភារៈ និងគំរាមពិនិត្យទឹកនោមរកសារធាតុញៀន ទៅលើយុវជនម្នាក់ នៅភ្នំពេញ (ខ្មែរថ្ងៃនេះ)
វីដែអូ