ខេត្តកំពត ៖ ប្រធានសហគមន៍ផលិតអំបិលខេត្តកំពត អះអាងថា ការផលិតអំបិលឆ្នាំនេះ ទទួលបានទិន្នផលខ្ពស់ ដោយសារកត្តាអាកាសធាតុអំណោយផល ទោះបីជាកម្ពុជាកំពុងតែជួបនូវជម្ងឺ កូវីដ-១៩ ក៍ដោយ។លោក ប៊ុន បារាំង ប្រធានសហគមន៍ផលិតអំបិលខេត្តកំពតបានឲ្យដឹងថា ការផលិតអំបិលក្នុងឆ្នាំនេះ មានការកើនឡើងជាងឆ្នាំទៅ ដោយសារតែមានពលកម្មគ្រប់គ្រាន់ ព្រមទាំងអាកាសធាតុក៍អំណោយផលល្អ។ លោកបានបន្តថា ចំពោះផ្ទៃដីនៃការផលិតអំបិលមានចំនួនជាង៤ពាន់ហិចតា និងមានប្រជាពលរដ្ឋផលិតអំបិលចំនួន២០០ក្រុមសាមគ្គី ដោយរាប់បញ្ជូលទាំងខេត្តកែបនិងកំពត។ លោកបានបញ្ជាក់ថា ក្នុងឆ្នាំនេះការផលិតអំបិលក្នុងខេត្តកំពតទទួលបានផលច្រើន ដូច្នេះគឺអាចគ្រប់គ្រាន់ក្នុងការផ្គត់ផ្គង់ការប្រើប្រាស់ក្នុងស្រុក។ ឆ្នាំនេះផលិតបានច្រើន ដោយសារអាកាសធាតុអំណោយផលល្អមេឃក្តៅល្អ។ឆ្នាំនេះអត់អីទេ មិនអាចខ្វះខាតទេឆ្នាំនេះគ្រប់ ។ ការផលិតអំបិលនេះអាស្រ័យទៅលើអាកាសធាតុ ដោយសារអាកាសធាតុមានកម្តៅល្អធ្វើឲ្យឆ្នាំនេះផលិតអំបិលបានច្រើន ។ បើអាកាសធាតុមិនអំណោយផលការផលិតអំបិល យើងធ្វើអត់បានទេដូច២ឆ្នាំកន្លងទៅយើងធ្វើអត់បានសោះ ដោយសារភ្លៀងធ្លាក់ពេញរដូវ ចំពេលផលិត។ ឆ្នាំនេះដោយសាររាំងតាំងពីខែ១មករហូតដល់ដើមខែ៤ បានមានភ្លៀងធ្លាក់ ចឹងយើងផលិតអំបិលបានច្រើនក្នុងអំឡុងរយៈពេល៣ខែនេះ។លោក អំពាវនាវដល់ប្រជាពលរដ្ឋកម្ពុជាទាំងអស់ ងាកមកប្រើប្រាស់អំបិលធម្មជាតិ ដែលផលិតពីទឹកសមុទ្រ ដែលអាចជួយឲ្យពួកគាត់មានសុខភាពល្អ ពិសេសចំណាយថវិកាតិច៕
ព័ត៌មានគួរចាប់អារម្មណ៍
ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ខ្មែរថ្ងៃនេះ)
កាំកុងត្រូលខេត្តកណ្ដាល ចុះត្រួតពិនិត្យទំនិញហួសកាលបរិច្ឆេទ និងខូចគុណភាព ដាក់លក់នៅផ្សាររកាកោង (ខ្មែរថ្ងៃនេះ)
រដ្ឋបាលខេត្តស្ទឹងត្រែង បើកវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត សម្រាប់អាណត្តិទី៣ ឆ្នាំ២០១៩ នៅក្នុងស្រុកសៀមប៉ាង (ខ្មែរថ្ងៃនេះ)
ចាប់ឃាត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ខ្មែរថ្ងៃនេះ)
ឃាត់ខ្លួនប៉ូលីសក្លែងក្លាយ ពាក់ឯកសណ្ឋានស័ក្តិ៣ ធ្វើសកម្មភាពឆែកឆេរសម្ភារៈ និងគំរាមពិនិត្យទឹកនោមរកសារធាតុញៀន ទៅលើយុវជនម្នាក់ នៅភ្នំពេញ (ខ្មែរថ្ងៃនេះ)
វីដែអូ