កណ្តាល, ថ្ងៃទី០១ ខែធ្នូ ឆ្នាំ២០២០ដោយ៖ លោក ថៃ ប៊ុនរិទ្ធសេចក្តីរាយការណ៍ពីប្រជាពលរដ្ឋក្នុងភូមិត្រាចទង ឃុំក្សេមក្សាន្ត ស្រុកឧដុង្គ ខេត្តកំពង់ស្ពឺ បានឲ្យដឹងថា បច្ចុប្បន្នក្នុងមូលដ្ឋានពួកគាត់មានគេបើកវង្សបៀអាប៉ោងទ្រង់ទ្រាយធំដំណើរការយ៉ាងរលូនព្រោះមន្ត្រីអជ្ញាធរនិងសមត្ថកិច្ចមូលដ្ឋានមិនចាត់វិធានការបង្ក្រាបនោះទេ។ ដូច្នេះហើយទើបប្រជាពលរដ្ឋអំពាវនាវឲ្យលោក សម សាមួន ស្នងការនគរបាលខេត្តកំពង់ស្ពឺ និងលោក វ៉ី សំណាង អភិបាលខេត្តកំពង់ស្ពឺ ចាត់វិធានការបង្ក្រាបល្បែងស៊ីសងខុសច្បាប់ក្នុងភូមិត្រាចទង ឃុំក្សេមក្សាន្ត ស្រុកឧដុង្គ ខេត្តកំពង់ស្ពឺ ជាបន្ទាន់ដើម្បីពង្រឹងសន្តិសុខសង្គម។សេចក្តីរាយការណ៍ពីប្រជាពលរដ្ឋបានឲ្យដឹងទៀតថា វង់ល្បែងបៀអាប៉ោងទ្រង់ទ្រាយធំត្រូវគេបើកលេងនៅជិតខ្ទមអ្នកតាក្នុងព្រៃស្រម មុខវត្តត្រាចទង ភូមិត្រាចទង ហើយតែងចល័តទៅទីតាំងផ្សេងៗមិនឆ្ងាយពីវត្តត្រាចទង នោះទេ។ ប្រជាពលរដ្ឋបានលើកឡើងថា បើគ្មានការបើកដៃពីសំណាក់នាយប៉ុស្តិ៍នគរបាលរដ្ឋបាលឃុំក្សេមក្សាន្ត និងលោក ខឹម សាម៉ុន អធិការនគរបាលស្រុកឧដុង្គ ទេនោះគឺគ្មាននរណារអាចបើកល្បែងស៊ីសងខុសច្បាប់តាមអំពើចិត្តបានឡើយ។ ដូច្នេះប្រសិនបើលោក សម សាមួន ស្នងការនគរបាលខេត្តកំពង់ស្ពឺ មិនជាប់ពាក់ព័ន្ធផលប្រយោជន៍ទេនោះគួរចាត់វិធានការបង្ក្រាបល្បែងស៊ីក្នុងភូមិត្រាចទង ឃុំក្សេមក្សាន្ត ស្រុកឧដុង្គ ជាបន្ទាន់។បើតាមសេចក្តីរាយការណ៍ពីអ្នកធ្លាប់ចូលទៅដល់កន្លែងបើកល្បែងស៊ីសងនោះបានឲ្យដឹងថា ទាំងល្បែងបៀនិងអាប៉ោងបើកលេងទ្រង់ទ្រាយធំ ស៊ីសងក្នុង១ដៃៗរាប់រយដុល្លារឬរាប់លានរៀល ហើយអ្នកបើកល្បែងប្រមូលលុយបានយ៉ាងច្រើនជារៀងរាល់ថ្ងៃ។ ក្នុងមួយថ្ងៃៗមានអ្នកទៅលេងល្បែងស៊ីសងនៅទីតាំងនោះយ៉ាងពពាក់ពពូព្រោះមន្ត្រីអាជ្ញាធរនិងសមត្ថកិច្ចមូលដ្ឋានថ្នាក់ឃុំថ្នាក់ស្រុកមិនទាន់ចាត់វិធានការបង្ក្រាបនៅឡើយទេ។ ប្រជាពលរដ្ឋបានកត់សម្គាល់ថា ដោយសារល្បែងស៊ីសងខុសច្បាប់នោះហើយទើបបច្ចុប្បន្នក្នុងមូលដ្ឋានពួកគាត់កើតមានអំពើចោរកម្មនិងបទល្មើសផ្សេងៗគួរឲ្យភ័យខ្លាច ហើយលោក សម សាមួន ស្នងការនគរបាលខេត្តកំពង់ស្ពឺ និងលោក វ៉ី សំណាង អភិបាលខេត្តកំពង់ស្ពឺ បែរជាសម្ងំស្ងាត់ឈឹងទៅវិញ៕
ព័ត៌មានគួរចាប់អារម្មណ៍
ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ខ្មែរថ្ងៃនេះ)
កាំកុងត្រូលខេត្តកណ្ដាល ចុះត្រួតពិនិត្យទំនិញហួសកាលបរិច្ឆេទ និងខូចគុណភាព ដាក់លក់នៅផ្សាររកាកោង (ខ្មែរថ្ងៃនេះ)
រដ្ឋបាលខេត្តស្ទឹងត្រែង បើកវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត សម្រាប់អាណត្តិទី៣ ឆ្នាំ២០១៩ នៅក្នុងស្រុកសៀមប៉ាង (ខ្មែរថ្ងៃនេះ)
ចាប់ឃាត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ខ្មែរថ្ងៃនេះ)
ឃាត់ខ្លួនប៉ូលីសក្លែងក្លាយ ពាក់ឯកសណ្ឋានស័ក្តិ៣ ធ្វើសកម្មភាពឆែកឆេរសម្ភារៈ និងគំរាមពិនិត្យទឹកនោមរកសារធាតុញៀន ទៅលើយុវជនម្នាក់ នៅភ្នំពេញ (ខ្មែរថ្ងៃនេះ)
វីដែអូ